إزاي تحافظي على نشاطك في أيام الشغل الطويلة؟


عدد المشاهدات : 801
تاريخ الخبر : 10-1-2018 

بواسطة

ندى بديوي

طاقتنا بتمر بمراحل ارتفاع وانخفاض في أوقات الشغل. غالبًا في بداية اليوم بنكون أنشط لكن على وقت الضهر الطاقة بتقل وبنكون عايزين ننام، وده بيخلينا نلجأ للأكل فنزيد في الوزن، أو نشرب منبهات كتير وده غلط على الجهاز العصبي.. دي نصايح ممكن تساعدك علشان طاقتك ماتقلش..

-خدي راحة على فترات

كل ساعة شغل خدي 10 دقايق بعيد عن المكتب، اشربي مشروب دافي باسترخاء مثلًا.. وكل 3 ساعات انزلي اتمشي في محيط الشغل 5 دقايق في الشارع.

 -اشربي مايه كتير
المايه مهدئة للأعصاب ومضادة للإرهاق، لكن في البداية هتتدخلي الحمام كتير وهتاخدي وقت لغاية ما جسمك يتعود عليها.
 

-ماتكليش على مكتبك
خلي الأكل في مطبخ الشغل مع زمايلك وأنتوا بتتكلموا، علشان ماتحسيش بالضغط ويكون بريك.

 

-خدي وجبة الغدا معاكي
ده هيوفر عليكي وقت التفكير في الغدا، والأكل البيتي الصحي بيقلل الضغط العصبي لأنه بيحسسك إنك مهتمة بصحتك وبالتالي راضية عن نفسك.

 

-بلاش الأسانسير واستخدمي السلم
اعرفي القاعدة دي "الحركة بتجيب حركة والكسل بيجيب كسل"، إحساسك بالنشاط من استخدام السلم هيأثر بشكل إيجابي على طاقتك.. لكن لو المكتب في دور عالي وإنتي مريضة تنفس، بلاش.



الأكثر مشاهدة

خمس حواس