روتين العناية اليومية للبشرة الدهنية والمختلطة


عدد المشاهدات : 402
تاريخ الخبر : 14-2-2018 

بواسطة

ندى بديوي

صاحبات البشرة الدهنية بيعانوا من ظهور الحبوب والمظهر الزيتي لبشرتهم، لكن البشرة الدهنية بتفضل شابة لفترة طويلة بفضل الزيوت اللي بتفرزها بشكل دائم.. اعرفي إزاي تحافظي على بشرتك بروتين عناية في الليل والنهار.

في الصباح:
- اغسلي وجهك بالماء الفاتر مع غسول مناسب خفيف أو خالي من الزيوت، ودلكي بحركات بسيطة واغسلي آخر مرة بماء بارد.
-استخدمي التونر، أو ماء الورد البارد لغلق المسام.
-استخدمي كريم مرطب لأن الغسول بيزيل كل الزيوت من البشرة في الوقت ده، لكن استخدمي كريم خفيف.
-وقبل وضع المكياج لابد من استخدام كريم واقي ضد الشمس.

في المساء:
- زيلي المكياج باستخدام كريم أو مناديل مبللة أو مزيل مكياج.
- اغسلي وجهك بالغسول مرة تانية، لكن بشكل أعمق علشان تتخلصي من كل الأتربة والأوساخ اللي اتعرضتيلها خلال اليوم.
- التونر ومايه الورد مرة تانية.
- الكريم المرطب أو الكريم الليلي اللي بيحافظ على بشرتك ضد التجاعيد، وماتنسيش تطبيق كريم مرطب خاص بالمنطقة حول العين.


أسبوعيًا:
لازم تقشري بشرتك مرة في الأسبوع، أبسط طريقة هي السكر والعسل والليمون وافركيهم على بشرتك بالراحة لدقايق واغسليه، بيساعد على تنظيف الخلايا الميتة وبيقلل من ظهور الحبوب.
كمان ممكن تستخدمي مقشر القهوة والعسل الأبيض، لأنه هيكون ماسك كمان لترطيب البشرة والكافيين اللي في القهوة بيساعد إن البشرة ماتكبرش بسرعة.



الأكثر مشاهدة

خمس حواس