أكلة وحكاية.. "البابا غنوج" بين مصر وسوريا


عدد المشاهدات : 911
تاريخ الخبر : 14-2-2018 

بواسطة

ندى بديوي

سلطة البابا غنوج أكلة عربية، منشأها في الغالب لبنان وسوريا، وطريقة تحضيرها بتختلف عن الطريقة المصرية شوية، ولاسمها حكاية أسطورية مرتبطة بيها، بتقول إن كان في قس في القرن الأول بعد الميلاد، كان الناس بيحبوه جدًا كان اسمه "غنوج"، وفي مرة واحد من تلامذته عمله خليط من الباذنجان المشوي مع الطحينة وعجبته جدًا وشارك فيها أهل البلد، ومن يومها اتسمت "بابا غنوج" لأنه كان أب في الكنيسة.. وبعيدًا عن كون القصة حقيقية أو لأ، دي طريقة تحضير البابا غنوج في مصر وسوريا..


على الطريقة المصرية:

المكونات.. 1 باذنجان رومي، نصف كوب طحينة، بقدونس مفروم، 2 ملعقة خل، ملعقة زيت، 5 فصوص ثوم، فلفل أسود وكمون، وشطة حسب الرغبة.

الطريقة.. اشوي الباذنجان الرومي في الفرن وقشريها بعد ما تبرد واهرسيها مع التوم والملح والخل والفلفل والكمون والطحينة والشطة.. وممكن تضربيهم في الخلاط.. وبتتزين بالبقدونس والزيت.

 

على الطريقة السورية "متبل":

المكونات.. 1 باذنجان رومي، نصف حبة فلفل أخضر، 1 حبة طماطم مقطعة، بقدونس، فص ثوم، 3 ملعقة دبس رمان، 3 ملعقة زيت زيتون، رمان، ملح.

الطريقة.. بعد شوي الباذنجان وتقشيره، اهرسيه وضيفي باقي المكونات ما عدا الرمان اللي هيستخدم في التزيين.



الأكثر مشاهدة

خمس حواس