بتروح فين هدايا الـ "Ex"


عدد المشاهدات : 171
تاريخ الخبر : 14-2-2018 

بواسطة

ايمان منير

هيفضل سؤال مؤرقنا كلنا، البنات بتودي هدايا الإكس فين، وبمناسبة الفلانتين، الأرق في ازدياد، هدايا المناسبة دي بتروح فين، هل البنات بتتخلص منهم ولا بتحتفظ بيهم؟

قررنا في "احكي" نسأل البنات، عن مصير الهدايا دي:

 

1- كان جايبلي "سبحة"، كان فاكرني "شيخة"، بس ليها استخدام دلوقت، بحسبن عليه ليل نهار.

2- جمعت كل الهدايا اللي كان جايبها وحطيتها في بوكس، وبعتها لحبيبته الجديدة، أهي هي أولى بكركبته.

3- جمعت الهدايا كلها وبعتها، واشتريت بدالها جزمة، علشان أفتكر بها ذكرياته السودا.

4- عرضتها على Olx ، وكتبت فوقها هدايا الـ EX  للبيع، وكتبت رقم موبايله.

5- رميت الكروت والكلام اللي كان مكتوب على الهدايا، وبستخدم الهدايا عادي، خسارة أرجعهم ليه؟ هما مش بتوعي.

6- جمعتهم وحطيتهم في صندوق وكتبت عليه يُفتح عند الضرورة، وبقيت بفتحه كل أما الدنيا تتقفل في وشي، عشان اتأكد أن أي مشكلة همر بيها مش هتبقي أكبر من مشاكلي معاه، وأحمد ربنا إني قدرت أتخلص منه.

7- كان بخيل، جايبلي كوتشي معفن، كتبت اسمه على الكوتشي من تحت، وهريت الكوتشي لبس، عشان يعرف إن ده مقامه بس.

8- جمعتهم كلهم، وحطيتهم في باسكت زبالة كبيرة، وبعتهوله مع شركة شحن، وقولتله ده مقامك أنت وهداياك.

9- كان جايبلي دبلة ذهب، والمفروض كنت أرجعاله، بس أنا مرضيتش وروحت بيعتها واشتريت بدالها شوية جذم، وفرقتها على قرايبي.

10- جمعتهم وولعت فيهم. مش عاوزة أفتكره بأي حاجة.



الأكثر مشاهدة

خمس حواس