أشهر 10 أغاني يمكنها دعمك بقوة


عدد المشاهدات : 148
تاريخ الخبر : 10-1-2018 

بواسطة

منى أبو السعود

الفن من أرقى الموجودات واللي دايمًا وجوده في حياتنا بمختلف أشكاله بيعمل فرق كبير، وتحديدًا فن الغناء واللي غالبًا بيكون صديق مُقرب لمعظمنا وبيشاركه لحظات غيره مبيقدرش يشاركها معاه.

الأغاني أنواعها كتيرة ومختلفة وكل شخص بيختار أغانيه المُفضلة تبعًا لذوقه الشخصي ومن أكتر الأغاني اللي بتعجب مُعظمنا هي الأغاني الحماسية اللي غالبًا ما بتدي اللي بيسمعها دعم قوي، ومن أشهر الأغاني دي:

1- Titanium - Sia Ft David Guetta.

ودي من أكتر الأغاني عمومًا ومن أكتر أغاني "Sia" خصوصًا اللي ممكن تدعمك بقوة وتقولك "أنتي قوية كفاية".

2- متحاولش تبقى حد تاني غير نفسك - لـ أحمد مكي ودنيا سمير غانم

 

ودي بتقول ببساطة إن ربنا خلقنا مميزين ولازم نقتنع بده ونكمل بمنتهى القوة والثبات.

3- I am not afraid - Eminem.

أغاني "Eminem" عمومًا كفيلة بأنها تدي طاقة وقوة لأي شخص بيسمعها وبالذات "I am not afraid".

4-مين اللي بيختار- هبة طوجي.

والأغنية دي بتقدر تخلي أي بنت تطير في السما السابعة وتتأكد أثناء طيرانها إنها هي الوحيدة اللي بتختار شكل حياتها ونمطها.

5- Ain’t got no - Nina Simone.

والأغنية دي ببساطة بتقولك  "حتى لو خسرت كل حاجة في الحياة فأنا كسبت نفسي وهي أغلى حاجة ممكن أكسبها".

6-أنا حرة وأحب الحرية - غالية بن علي

كلمات "فؤاد حداد" وصوت وأداء "غالية بن علي" بيقولك ببساطة من خلال الأغنية دي محدش يقدر يخليكي عكس اللي راسماه لنفسك لأنك ببساطة حرة.

7-Believer - Imagine Dragons.

والأغنية دي بإمكانها إنها تحولك في لحظات من أقصى لحظات الضعف لأقصى لحظات القوة والتماسك حتى أخر دقيقة.

8-متخليش حاجة توقفك - محمد منير.

والأغنية دي زيها زي مُعظم أغاني "منير" قادرة إنها تدعمك بكل قوة وبكل بساطة في آن واحد.

9-Born this way - Lady Gaga.

ودي تُعتبر من أكتر الأغاني اللي بتدعم الستات بشكل خاص وبتخليهم يحبوا نفسهم مهما بلغت درجة اختلافهم.

10- وأخيرًا افرد جناحك -كايروكي.

والأغنية دي كفيلة إنها تخرجك من أي حالة إحباط بتواجهك وتقولك إن سقف أحلامك في السما ومحدش يقدر يوقفك.



الأكثر مشاهدة

خمس حواس