3 أفكار لحلويات سهلة في رأس السنة

رأس السنة قرب ومعظم الأمهات بتحتار تعمل ايه لأطفالها، وبسبب غلاء أسعار الحلويات في المحلات ..

أحكي جمعتلك شوية أفكار حلوة وسهلة تقدري تعمليها في رأس السنة..

1-   الترايفل

مكونات الكاسترد

4 صفار بيضة

4 اكواب من الحليب

4 معالق نشا

معلقة ماء ورد

كوباية سكر

معلقتين فانيليا

معلقتين ليمون

طريقة التحضير

اخلطي كل المكونات مع بعض ماعدا ماء الورد

علي نار متوسطة وقلبي الخليط لمدة 15 دقيقة

وبعدين زودي ليه مايه الورد .

سيبي الخليط يبرد

الترايفل بالفواكهة والكاسترد

اختاري أي 3 انواع فاكهة بتحبيها وقطعيها كويس

الكاسترد اللي احنا عملانه خدي منه 3 كوبايات

خدي أربع كوبايات من كريمة الخفق

كيكية أسفنجية عادية

الطريقة

بعد ما قطعتي الفاكهة اللي بتحبيها حطي عليها كر وليمون وشوية ماية صغيرين

حطي الكيكة الأسفنجية في قعر الطبق .

حطي مايه الفاكهة علي الكيكة

حطي قطع الفاكهة فوق الكيكة

حطي الكاسترد فوق الفاكهة

قعدي كرري الخطوات دي طبقة فاكهة وطبقة كيكة وطبقة كاسترد

2-   كيكة المج

المكونات

8 معالق دقيق

6 معالق زيت

8 معالق سكر

6 معالق كاكاو

2 معلقة نوتيلا

معلقة فانيليا

بيضتين

10 معالق كبيرة حليب

الطريقة

اخلطي كل المكونات مع بعض بالمضرب الكهربائي أو في الخلاط

فرغي الخليط في كوبايات تصلح انها تدخل الميكرويف

دخلي الكوبايات الميكرويف لمدة 7 دقايق وخرجيها

حطي عليها شيكولاته سائلة.

3-   الـLazy Cake

المكونات

كوب زبدة

علبتين قشدة

علبة بسكوت

كوب لوز

4 فنجان سكر

4 معالق كاكو بودرة

الطريقة

1-      حطي الزبدة على النار لحد ما تسيح وبعد كده تشيلها بسرعة جدا وتحطي عليها بقية المقادير

2-      وبعدين في صينية مستطيلة حطي عليها الخليط

3-      وبعدين حطي البسكويت واللوز بعد ما تكسريهم على الخليط

4-      غطي الصينية بورق الفويل وحطيه في الفريزر لمدة ساعة

5-      خرجيها من الفريزر وقطعيها شرايح وقدميها.