6 عادات عشان تكوني ”في ميعادك”

مسألة الحفاظ على المواعيد، والظهور دايما في الوقت المناسب من غير تأخير، عملية صعب تحقيقها بالنسبة لناس كتير، ممكن تكون طبيعتهم أو تقديرهم للوقت هي اللي بتسبب لهم الإحراج دايما في التاخير على المواعيد.

لما بنتفق مع حد على ميعاد، بيسألك "جد؟ ولا مواعيد مصري"، وده بيدي انطباع أنه طبيعتنا أننا منحافظش على المواعيد ولا نحترمها، وعشان نتخلص من التصور ده في مجموعة من العادات هتغير سلوكنا وطريقة تفكيرنا وتعاملنا مع الوقت.

ممكن تعرفوا العادات دي وتتبعوها عشان تكونوا "في الميعاد" دايما:

1. البداية من الاستيقاظ من النوم، لو أنتِ من الناس اللي بتظبط المنبه، وكل ما يرن تقفله عشان ينبهها تاني بعد 10 دقائق، فلازم تتخلصي من العادة دي فورا، وتخلي المنبه بعيد عن مكان النوم، عشان تضطري تقومي وتقفليه ومترجعيش تاني للنوم.
2. عشان المحافظ على المواعيد بيحتاج تنظيم وتخطيط، فالأفضل تخططي للفطار في العشاء، وتكوني صاحية وأنتي عارفة هتفطري إيه؟ وتجهزي الحاجات اللي اأنتي عاوزاها، عشان متبدأيش يومك بطريقة فوضوية، موضوع الفطار ينطبق على حاجات تانية زي الهدوم اللي هتلبسيها وغيره.
3. التخطيط والتنسيق لكل حاجة خلال اليوم هو الطريقة اللي هتدي انطباع عن قدرتك على الحفاظ على مواعيدك، وهتخلي الموضوع أسهل، فتقدري تحطي لكل حاجة هتعمليها خلال اليوم مدة معينة تنفذيها فيها، وتحاولي تلتزمي بيها.
4. غالبا، سبب تأخير بعض الأشخاص بيكون الخوف أو الضيق من الانتظار لكن حتى إذا كنتِ هتنتظري الأشخاص التانيين، ممكن تعتبري الوقت ده فرصة تبصي فيها على الإيميلات أو تتابعي أو تسمعي حاجة بسيطة مكنش ليها وقت في يومك، وكمان ممكن يكون الانتظار ده فرصة تقرأي كتاب.
5. التخلص من عادة "هبص بصة أخيرة"، يعني مترجعيش تفتحي الفيسبوك والإيميل مقتنعة أنك مش هتأخدي قت كتير، وتلاقي الوقت بينسحب منك، والدقيقة بقت نصف ساعة.
6. مع الوقت، هيكون عندك القدرة على حساب الوقت اللي بيأخده تنفيذ أي حاجة، فحتى مع ظهور حاجات مفاجئة خلال اليوم، بتكوني قادرة تتعاملي معاها وتنجزيها بصورة أسرع.

مترجم