5 من أشهر مطاعم الأكل السوري

من خمس سنين، ومع دخول أعداد كبيرة من السوريين لمصر، انتشرت معاهم المطاعم السورية، فبدأنا نحب الشاروما الصاج والفتة السوري، والأطباق العربية، وكانوا مميزين بالجودة والسعر الكويس.

البطاطس بالثومية، والشاروما الصاج بقت إدمان عند ناس كتير، والكبيبة وورق العنب بالزيت زيتون مبقوش أكلات غريبة عننا، بالعكس إحساسانا معاهم بالألفة بيزيد.

"احكي" جمع لكم أشهر مطاعهم الأكل السوري في مصر:

أبو عمار السوري

من أقدم محلات الأكل السوري في مصر، معروف من أكتر من 10 سنين، بفروعه في مصر الجديدة والمهندسين، وبتتنوع المنيو بين ساندويتشات الشاورما والفراخ البانيه والفاهيتا والكفتى المشوية والكبيبة، وبتتقدم في العيش الفرنساوي أو الصاج، وأسعارهم من 10 لـ 39 جنيه، أما الوجبات بتضم فتة الشاورما واللحم العربي والشيش طاووق، إلى جانب أطباق معينة بيقدمها المطعم باسمه، ووجبات سورية بامتياز زي الأوزي باللحمة والمكسرات ومقلوبة اللحمة والباذنجان والشاكرية باللحمة، وأسعارها ما بين 20 لـ 75 جنيه.

روستو

فرعه الرئيسي في أكتوبر، وليه فروع تانية في المهندسين والمقطم والشيخ زايد، الزحام قدام المطعم مش بينتهي، الكل بيجي من أكتر مكان عشان يستمتع بالوجبات والساندويتشات، أكتر حاجة مميزة بيقدمها وخاصة الفراخ البروستد المقلية، ووجبات الشاورما وبتبدأ من 27 جنيه حتى 155 جنيه للوجبات العائلية.

أنس الدمشقي

موجود في مدينة نصر ومصر الجديدة، مشهور بالمناقيش زي الزعتر والسبانخ وجبنة حلوم والجبنة الشامية والكيري واللبنة، وأسعارها من 10 لـ 24 جنيه، كمان بيقدم وجبات اسمها فروج بروست أسعارها ما بين 35  لـ 170 جنيه، وكمان بيقدم وجبات الدجاج المسحب.

فواز السوري

فروعه في فيصل والهرم وبنها، بيقدم بجانب الأكل السوري اللي إحنا عارفينه،  والساندويتشات والأطباق العربي، بيقدم كمان الكريب بأنواعه، سواء الفراخ أو اللحمة أو الجبن حتى الحلو وتتراوح أسعارهم ما بين 13 لـ 25 جنيه، والمناقيش السوري زي الجبنة القشقوان والزعتر والسجق، والحواوشي

صاج وشاورما

ليه فرعين في الزمالك والمنيل، كتير بيشكروا في الأكل اللي بيقدمه، كله اللي بيشتغلوا فيه سوريين.  المنيو بتجمع بين ساندويتشات الشاورما والبطاطس والفلافل والفاهيتا وغيرهم، وبتتراوح الأسعار من 10 لـ 30 جنيه، أما الوجبات زي الفتة سواء فراخ أو لحمة فأسعارها ما بين الـ 32 لـ 39.