8 حاجات في معرض الكتاب غير الكتب

ناس  كتير بتنزل معرض القاهرة الدولي للكتاب مش بغرض شراء الكتب، وإنما لأنه يصادف سنويا إجازة نص السنة الدراسية، ودا سبب يجعل البعض يعتبره مجرد خروجة مختلفة للتسلية، احكي كانت في جولة للمعرض عشان تعرضلكم

الحاجات اللي ممكن تكون في المعرض غير الكتب وهي:

1-الأكل 

المعرض فيه أكثر من مكان للأكل ممكن تشتري منه سندوتشات زي الفول والفلافل والكريب بمختلف أنواعه، واللي أسعارهم بتختلف من مكان للتاني.

2- لعب الأطفال

لعب الأطفال ليها أكثر من مكان لبيعها في المعرض، وبأشكالها المختلفة اللي بيتفاعل معاها الأطفال والأمهات لشرائها لهم، زي العرائس والبازل والمكعبات وغيرهم.

3- حفلات عزف موسيقى

على المسرح المكشوف بالمعرض، في كثير من الفنون الفنية والأنشطة الطلابية اللي بتتعرض بشكل دائم طول فترة المعرض، زي العزف على آلات مختلفة.

4- أدوات رسم ومانديلا

في جانب للفن موجود بشكل كبير في المعرض، زي الألوان وكتب المانديلا للتلوين.

5- إكسسوارات 

في أكتر من جاليري مشارك في المعرض بمنتجاته المختلفة، واللي شاهدت إقبال عليها من زوار المعرض.

6-"نوت بوك"، وأدوات مدرسية

النوت بوك أشكالها كتيرة في المعرض، كمان الأدوات المدرسية زي الأقلام والألوان.

7- آيس كريم وفشار

ممكن تكمل يومك في المعرض، بشوية تسالي زي الأيس كريم والفشار. 

8- الأفلام

الأفلام لها نصيب من البيع في المعرض وخاصة الأفلام القديمة الكلاسيكية ودا بيكون موجود في  صوت القاهرة.