”بنت وآخر العنقود”..دلع وراحة وطلبات مجابة

لما بندخل أي بيت، من غير ما نسأل بنعرف مين بيكون أخر العنقود، وخصوصًا لو كانت بنت، البيت كله بيدلع فيها أمها وأبوها، وأخواتها كمان بيكونوا مضايقين منها بس مش بيقدروا ميدلعوهاش.

هتلاقي آخر العنقود أول واحدة طلباتها مجابة، وأول واحدة بيجيلها لبس جديد من أحسن الأماكن، وتعمل كل كارثة والثانية ومحدش يقدر يكلمها، (احكي) سأل بنات ترتيبهم بين أخواتهم آخر العنقود قالولنا حاجات كتير تعاول معانا وأعرفوها.

أبوظ أي حاجة براحتي.

نسيت اسمي من كتر أسامي الدلع اللى بتتقالي.

طلباتي أوامر ومجابة.

الخروجات كلها عشاني.

عمري ما انضربت في حياتي وأخواتي بيتهزقوا بسببي.

أخبار البيت كلها في جيبي، وممكن أخد فلوس من أخواتي وماما عشان أقلهم اللي أعرفه.

مجننة مرات أخويا.

أنا الوحيدة في أخواتي البنات اللي بلبس قصير.

البيت كله بياكل على مزاجي.