الأصدقاء الحقيقين بنعرفهم إزاي؟.. 10 حاجات هيقولوا لك

في رحلتنا مع الحياة، الأصحاب بيكون لهم دور كبير، سواء كانوا بسلوكهم الجيد معانا، وأنهم اصداقء مخلصين، وساعات بخذلانهم لينا وعدم وفائهم، في النهاية لازم نعرف نختار أصدقائنا صح عشان نعيش حياتنا بطريقة تريحنا.

الفكرة إزاي نعرف أنه الناس المحيطة بينا، واللي بنعتبرهم أصدقاء هما كده بالفعل، أو لأ؟ في تصرفات أو أفعال هنقدر نقيم منها علاقتنا بيهم، ونعرف على أساسها إذا كانوا أصحابنا حقيقيين ومخلصين لينا، ولا الأفضل نبعد عنهم ونتجنب التعامل معاهم.

دول 10 حاجات هيكلمونا عن صفات الأصحاب "اللي بجد":

1. الصاحب والصديق اللي بجد بيعزز ثقتك في نفسك، وبيديكي الفرصة تشوفي الجانب الإيجابي في حياتك.
2. أيا كانت اختياراتك وطريقك في الحياة، الأصدقاء بيدعموك حتى لو مش متفقين معاك.
3. ميزة الأصدقاء أنهم بيسمعوا وبينصتوا لينا اوقات غضبنا وحزننا وحاجتنا لناس تستوعبنا.
4. وأنت معاهم مش محتاج تكون متكلف أو متصنع، إحساسك بالراحة وأنهم هيفهموك مهما كانت طريقة تصرفك بيريحك ويديك الأمان.
5. لو ناويين على مصيبة او نفسنا حد يزقنا نعمل الحاجة اللي إحنا عاوزينها، مش هنلاقي أحسن من أصحابنا يساعدونا.
6. الصحاب ميعرفوش "أصل معنديش وقت"، طالما بيحبوك وبيعتبروك قريب ليهم ومهم بالنسبة لهم، هيوجدوا لك الوقت، حتى لو خمس دقايق أو نصف ساعة تتقابلوا فيهم تشربوا الشاي مع بعضن او تفطروا في أي مكان قبل مواعيد الشغل.
7. الصاحب اللي بد بيقول الحقيقة، مش هيخدعك ويقول "وأنا مالي"، بالعكس هيكون حريص أنك تعرف منه الصح قبل أي حد تاني.
8. الاحترام هو أساس أي علاقة، وعشان كده صاحبك المفروض يحترمك ويقدر رغباتك واهتمامتك ومساحتك الشخصية.
9. وقت ما تغلط، صاحبك هيقدر أنك إنسان وممكن جدا تتصرف بطريقة تضايقه، أكيد وأنت متقصدش، لكن هيكون عنده الاستعداد أنه يسامحك ويقبلك.
10. من الحاجات اللي بتبين إذا كان الشخص عنده أصحاب كويسين، وجود أصحاب بيدفعوه أنه يكون أحسن ويطور من نفسه.

مترجم