٨ أسباب بتخلي استقلالي المادي هو أهم أولوياتي

اكتشفت من فترة طويلة غالبا ومن و أنا عندي ١٦ سنة ان استقلالي كإنسانة في حياتي مرتبط بشكل كبير باستقلالي المادي. نظرتي الواقعية للأشياء اللي بتكون في أوقات كتير خالية من النظرة الرومانسية الحالمة خلتني أشوف ان الاستقلال المادي بيقصر طرق كتير على الست من الحرب والمواجهة للحصول على حقوقها الإنسانية الطبيعية. وبالتالي الأسباب اللي بتخلي استقلالي المادي أهم أولوياتي هي: 

1-صاحبة قراري

اتخاذ قرارات حياتي بحرية أكبر من لو كنت معتمدة ماديا على عائلتي أو شريكي، أقدر أفكر بوضوح في الصالح لحياتي ومستقبلي بدون ضغط. في ستات وبنات كتير في العالم قراراتهم ومتوقفة فقط علي استقلال واستقرار مادي في حياتهم. قرار مثل الاستقلال المعيشي من المؤكد محتاج استقلال مادي، قرار مثل السفر أو تجربة أشياء جديدة محتاج استقلال مادي. 

via GIPHY

2-القدرة على إنهاء علاقة مؤذية

القصص اللي بنسمعها وبنشوفها عن ستات بتضطر تقبل علاقة مؤذية وتقبل الإهانة والعنف وعدم الاحترام لمجرد انها ليس لديها دخل مادي يوفر لها حياة بعد إنهاء علاقتها المؤذية منتشرة ومخيفة. نصيحتي الدائمة لكل ست هي أنها لا تتنازل عن عملها من أجل علاقة أو رجل، وأن تتمسك باستقلالها المادي حتي تتمكن من إنهاء علاقة مؤذية دون التفكير في العواقب المادية.

اقرئي أيضًا: 6 أسئلة من غير إجابات لست مستقلة في الثلاثينات 

3-السفر واكتساف أشياء جديدة 

السفر من الأشياء المهمة في حياتي، استقلالي المادي ساعدني كتير أني أقدر أسافر وآخد قرار السفر بدون مشقة البحث عن ممول لسفرى زي العائلة أو الشريك. التحكم في أسافر أو مسافرش، أسافر فين وامتى هيحصل لو انتي مش مسؤولة عن الفلوس اللي هتسافري بيها. 

via GIPHY

4-القدرة على توفير احتياجاتي بما يناسبني 

استقلالي المادي ساعدني اني أقدر أشتري احتياجاتي بما يناسبني أنا وليس بما يناسب أهلى أو زوجي مثلا لو هم المسؤولين عني ماديا. على سبيل المثال أنا بحب البرفيوم جدا وفي جزء كبير من ميزانيتي بيتصرف على شراء البرفيوم،والشوبينج بشكل عام، اشستقلالي المادي وأيضا قدرتي على أني هتحمل المسؤولية الكاملة عن قراراتي الشرائية بيخليني أقرر اني أشتري اللي أنا عايزاه ومحتاجاه مش اللي شخص تاني قرر اني محتاجاه. 

اقرئي أيضًا: 7 صور نمطية عن النسوية يجب التوقف عن تصديقها

5-تطوير مهاراتي و الكارير 

الاستقلال المادي بيتيح فرصة كبيرة أني أقدر أطور مهاراتي وكاريري ودة في حد ذاته سبب مهم للوصول للاستقلال والاستقرار المادي. اني أتعلم شيء جديد يفيدني في شغلي هيكون بإرادتي الحرة بدون محاولة توضيح مليون سبب لشخص ما عشان يوفر لي الفرصة اللي أنا محتاجاها. 

6-المطالبة بحقوقي الإنسانية بدون خوف 

أقدر أواجه وأحارب وأطالب بحقوقي الأساسية بدون عقبة الاعتمادية المادية على شخص آخر. اذا كنت مسؤولة ماديا عن نفسي فأنا أقدر أواجه وأطالب بكب حق عن حقوقي، وأحارب من أجل اختياراتي 

via GIPHY

7-حرية الاختيار 

في المجتمعات الأكثر فقرا بيكون مبدأ جواز البنت للتخلص من احتياجاتها المادية، وإيجاد شخص آخر يكون مسؤول عنها، فإذا كانت البنت مستقلة ماديا وتقدر تكون مسؤولة عن احتياجاتها المادية بنفسها فهي بتكون أقوى وحرة في اختيارها بنسبة أكبر. أيضا في بعض المجتمعات المتوسطة الثراء والأعلى ثراء بيتم إجبار البنات على الزواج من أجل صفقة مربحة وبالتالي بتفقد البنات والستات حرية الاختيار فقط بسبب أنهن غير مستقلات ماديا. 

اقرئي أيضًا: 18 جملة سمعتها كل ست عربية.. "لأنها ست"

8-عدم الاعتمادية 

عدم الاعتمادية هو تلخيص لكل ما سبق، لو الستات اعتمدت على نفسها ماديا وليس على شخص آخر مهما كانت درجة القرب والعلاقة الطيبة، بالتالي أصبحت حرة الاختيار، صاحبة قرارها، تستطيع أن تخطط لحياتها كيفما نشاء بدون ضغوط من العائل أو تهديد بتخفيض أو سحب الامتيازات المادية. 

via GIPHY

استقلي ماديا عشان تقدري تكوني نفسك وصاحبة صوتك وقرارك، استقلي ماديا عشان تقدري تحققي أحلامك انتي بدون انتظار السماح لكي بتحقيقها. استقلي ماديا عشان انتي إنسان كامل يقدر يكون مسؤول عن نفسه تماما. فقط تذكري عندما تكوني مستقلة ماديا لا تسمحي لأحد باستغلالك.  

اقرئي أيضًا:

 7 عوائق تواجه الستات المطلقات في مصر

8 أسباب تجعل النسوية ضرورة للمجتمع وليس رفاهية

5 قصص عن الاغتصاب الزوجي.. الجريمة المسكوت عنها