”رجلك بتشقق في الشتا ” .. اعرفي الحل

بتعاني معظم البنات في الشتا من تشقق رجليها بسبب عوامل البرودة والسقعة، البنت تكون نايمة ومدفية تحت البطانية وبعد كدة تخرج في السقعة ,وتلاقي التشققات منتشرة في رجليها ..

احكي بتقدملك خمس وصفات طبيعية تعالجي بيها تشققات رجلك ...

1-   بعد ما تنقعي الأرز ، ممكن تستعيني بمايته وتضيفي ليها "صودا الخبز" وتنقعي رجلك فيها كل يوم ولمدة 3 شهور ،هتلاحظي الفرق بعدها والتشققات هتتعالج تتدريجيا .

2-  ممكن نخلط زيت الخروع وزيت اللوز بزيت السمسم وتدهني رجلك بالخليط ده كل يوم لحد ما المشكلة تخف تماما.

3-   ممكن نخلط الكركم بزيت جوز الهند لحد ما يبقى الخليط عبارة عن عجيبة وندهن العجينة على القدمين كل يوم ولمدة شهرين على الأقل .

4-  اخلطي الفازلين بعصير الليمون وادهني بيه رجلك ، الليمون بيخلصك من الجلد الميت، بس اتاكدي من تنشيف رجلك كويس جدا بعد دهنه.

5-  اخلطي دقيق الشوفان بزيت الزيتون وفيتامين E وادهني رجلك بالخليط لمدة نص ساعة كل يوم واستمري بدهن رجلك بالخليط لحد ما تحسي انك رجلك بدأت تتحسن .