علشان تدفي.. نوعين شوربة سهلة ولذيذة

درجات الحرارة بتنخفض أكتر مع دخول شهر يناير، وبنحتاج أكلات خفيفة بين الوجبات تحسسنا بالدفا، الشوربة هتمدك بالدفا والشبع كوجبة خفيفة في أيام الشتا.. اخترنالك نوعين من الشوربة، جربيهم..

1-شوربة البطاطس

المكونات:
2 بطاطس مقشرة ومقطع مكعبات صغيرة

3 ملعقة كبيرة زبدة

1  بصلة مفرومة

3  فص ثوم مهروس

1 ملعقة كبيرة زنجبيل مفروم

1 ملعقة صغيرة ملح

1/4 ملعقة صغيرة فلفل أسود

1/2 ملعقة صغيرة كزبرة مطحونة

1/2 كوب بقدونس مفروم

3 كوب مرقة لحم أو دجاج أو ماء

1 كوب لبن حليب

1/2 كوب جبن شيدر مبروش

الطريقة:

 سخني الزبدة في طاسة، ضيفي البصل، الثوم والزنجبيل وقلبي لغاية ما يدبل البصل ويبقى لونه شفاف، ضيفي البطاطس، الكزبرة، الملح والفلفل، وقلبي لغاية ما تتشبع البطاطس بنكهة البهارات.
ضيفي نصف كوب من البقدونس، مع اللبن والمرقة، وسبيها على نار متوسطة لغاية ما تغلي، حطي الغطا وخففي النار جدا وسبيها لغاية البطاطس ما تستوي.
اطفي عليها وسبيها تبرد شوية، وحطيها في الخلاط واضربيها لغاية ما تبقى ناعمة، ورجعيها تاني لغاية ما تغلي، قدميها في أطباق وعلى وشها جبنة وبقدونس.

2- شوربة البصل الفرنسية

المكونات:
100 جم زبدة

كوب دقيق

 2 حبة بصل مقطع طوليًا

ملح - فلفل أسود

جبنة شيدر

 2 خبز توست

 جبنة موزاريلا

 2 كوب مرقة دجاج

الطريقة:

 في حلة دوبي الزبدة،ضيفي الدقيق وقلبي بالتدريج، ثم ضيفي البصل واستني يدبل، ثم الملح والفلفل والمرقة، وسيبي المزيج على النار لغاية ما البصل يستوي. اغرفي الشوربة وضيفي الجبنة ودخليها الميكرويف أو تحت الشواية علشان الجبنة تسيح وكليها مع التوست المحمص.