أفضل الطُرق لتعليم طفلك دخول الحمام

كتير من الأمهات بيعانوا من فكرة تعويد ولادهم على التخلي عن "البامبرز" واستخدام الحمام ،خصوصًا مع دخول فصل الشتا وانخفاض درجات الحرارة إللي بتخلي فكرة"البامبرز" وتغييره كل شويه مُزعجة جدًا !!!!! ودة بيخلي بعض الآمهات تتعامل بعنف مع أولادها عشان تعلمهم  .

وعشان تتجنبي الإزعاج إللي بتواجهيه إنتي وطفلك\طفلتك استخدمي الطرق التالية وبالترتيب  :

1- لو كان عندك "بنت" فحاولي واحدة  بواحدة تدخليها معاكي الحمام وتفهميها بالراحة إزاي تتعامل و إنها بكدة هتكون بنت كبيرة "زيك " ولو إللي عندك "ولد" خلي باباه يقوم معاه بنفس الموضوع لأن من طبيعة الأطفال التقليد .

2- حاولي بالراحة تعرفي\تعرفيها إن ال "Pee" حاجة مش حلوة وإن الحاجة الوحشة لازم تترمي زي الحاجات إللي بتترمي في السلة وتفهميه إن "الحمام" زي السلة بالظبط بس ليها "سيفون " بيشيل الحاجات دي خالص.

3- لو طفلك أو طفلتك أشقياء وبيحبوا يتحركوا كتير ممكن تقنعيهم بالراحة بإسلوب يفهموه بإن ال "البامبرز" مش هيخليك تعرف تلعب ولازم متلبسوش تاني وهتعرف تعمل دة لما تستبدله بدخول "الحمام".

4- وأخيرًا استخدمي معاه\ها نظام المكافآة إللي بيزيد مع كل خطوة بمعنى أوضح لو قلع\قلعت البامبرز أو حتى إقتنع\ت بفكرة قلعه تجيبيله\ها هدية بسيطة ولو دخل\ت الحمام معاكي لمُجرد الاستكشاف ممكن تجيبي هدية  أكبر ولو ابتدى\ت بعد كدة بالترتيب تعمل pee في الحمام هاتيله\ها هدية كبيرة وخرجيه\ها في مكان بيحبه\بتحبه وبكده هتكوني تخلصتي من العبء دة وكمان تجنبتي العنف مع أولادك .