أبسط الطرق لإزالة اللبان من الملابس

قطع اللبان على الملابس من أصعب المشاكل اللي ممكن تواجه أي حد وخاصة لو كان اللبس ده لسه جديد وعشان تتفادي المشكلة دي وتحلي الأزمة ،إليكِ الطريقة التالية:

1- ممكن تستخدمي مكواة الملابس وده عن طريق وضع قطعة من الورق على الجزء اللي فيه لبان وبعدها تمرري عليها المكواة وبعد إزالة الورقة هتلاحظي وجود اللبان عليها.

2- استخدام الجاز بيساعد في التخلص من قطع اللبان وده عن طريق وضع قطرات بسيطة من الجاز على قماشة وتمريرها بعد كده مكان البقعة.

3- شريط السلوتب كمان بيساعد في التخلص من اللبان وده عن طريق لصقه على مكان اللبانة والضغط عليه بشدة وبعدين إزالته.

4- وأخيرًا تمرير لوح من التلج على البقعة وده هيساعد على ذوبانها ثم سهولة انتزاعها من الملابس.