لعشاق الشوكولاتة.. وصفة كيك الـ Chocolate Lava

وصفة غرقانة في الشوكولاتة، كيك الشوكولاتة ومن جوا بركان الشوكولاتة السايحة.. بنقترح تتقدم مع آيس كريم فانيلا.


المكونات:

50 جرام كاكاو 
50 جرام سكر
50 جرام دقيق
50 جرام زبدة مذابة
50 مل لبن
 1 بيضة 
1 ملعقة صغيرة فانيلا 
1 ملعقة صغيرة بيكنج باودر 
1 ملعقة صغيرة ملح 
1 مكعب شيكولاته خام

الطريقة:
ضيفي كل المكونات الجافة سوا في طبق واخلطيها.. وفي طبق تاني كل المكونات السايلة واضربيها بالمضرب كويس، وضيفي عليها المكونات الجافة بالتدريج. بطني صينية كاب كيك بورق الزبدة اللي على شكل أكواب، وضيفي الخليط بحيث يملى نص مساحة كل قالب، وحطي فيها مكعب من الشوكولاتة الخام.
ودخليها الميكرويف لمدة 60 ثانية.. بتتقدم وهي سخنة مع الآيس كريم أو الكريمة المخفوقة.