”قشر اليوسفي والبرتقال” .. وجهك أولى بيه

في موسم الشتاء بيحتل البرتقال واليوسفي قائمة الفاكهة الأكثر شهرة على غيرهم من الفواكه، مفيش بيت في الشتا يخلو منه يوسفي وبرتقال، طعمهم لذيذو رائحتهم ألذ وسعرهم مناسب لكل الفئات حتى مع الإصابة بالزكام بيكونوا الحل الأفضل والأنسب، بسبب احتوائهم على كتير من الفوايد الغذائية.

احكي النهاردة بتقولك مترميش قشر البرتقال و اليوسفي عشان هنستخدمهم في عمل ماسكات للبشرة.

- علاج الحبوب

لو بتعاني من تراكم الحبوب في وشك فنحضر ماسك بسيط  مكون من قشر برتقال و شوية مايه.

اضربيهم في الخلاط لحد ماتحصلى على قوام متماسك و بعدين افردي الماسك  على الأماكن المصابة لمدة ربع ساعة هنكرر الماسك  3مرات في الأسبوع.

-  تفتيح البشرة

أما لو حابة تفتحي بشرتك، استبدلي الميا باللبن الرايب ونحط الماسك على البشرة لمدة نصف ساعة وبعدين يتم غسل الوجه ونرطب البشرة بأي مرطب عندك، اعملي الماسك ده مرتين كل أسبوع .

-  ولتوحيد لون البشرة

جففي قشر البرتقال و اطحنيه بعدين تضيفي عليه اللبن وسبيه على وشك 20 دقيقة، كرري الماسك يوميا لحد ماتوصلي للنتيجة المطلوبة.

-        أما لو بشرتك جافة وبتعاني طول فترة الشتاء من صرف مبالغ كبيرة على المرطبات فالماسك ده علشانك

جففي قشر اليوسفي وضيفي عليه معلقة عسل أبيض ومعلقة حليب بودرة واتركيه على وشك 20 دقيقة بعدين اغسليه بالماء الفاتر.