5 ماسكات للبشرة من الطماطم

الطماطم من المكونات الأساسية فى كل بيت، تقريبا بتدخل في معظم أكلاتنا، بس برضو ناس كتيرة متعرفش أهميتها للبشرة، ده غير إنها رخيصة ومش هتكلفك كتير.

"احكي" النهاردة جمعتلك خمس ماسكات طبيعية لبشرتك مصنوعة من الطماطم.

لو بشرتك مجهدة هتستخدمي الماسك ده:

• اخلطى ٣معالق من عصير الطماطم مع معلقتين من الزبادى و افرديه على بشرتك لمدة عشر دقايق مرتين كل أسبوع.
  
  - الماسك ده أسهل لأنه مكون من طماطم بس هتقطعى الطماطم لشرايح و تفرديها على وجهك باستثناء منطقة العين لمدة ربع ساعة مرتين كل أسبوع، هيساعد على نضارة بشرتك.
• 
  لو بتدورى على ماسكات للتفتيح
  
  -  5 معالق من عصير الطماطم مع معلقة كبيرة عصير ليمون و3 معالق لبن وتتركيهم على بشرتك  لمدة 15 دقيقة، استخدمى  الماسك مرتين فى الأسبوع.
• 
  -وممكن تستبدلى الماسك ده بماسك تانى مكون من معلقتين عسل ومعلقتين عصير طماطم وتتركيه 15 دقيقة ويستخدم يوميا.
  
  للحبوب
  
  - اهرسي الطماطم وافرديها على الأماكن المصابة بالحبوب  فى وجهك واتركيه لمدة ساعة بعدين اغسلي وجهك و حطى مرطب.

لعلاج البقع الجلدية وحروق الشمس

- معلقتين من عصير الطماطم مع 4 معالق من الحليب وتتركيه لمدة نصف ساعة، ده هيساعد على توحيد لون البشرة وتهدئة الوجه خاصة بعد التعرض للشمس لفترات طويلة.

- معلقتين من عصير الطماطم و 3 معلقة صغيرة من الزبدة وتتركيه 30 دقيقة، و ده  ينصح باستخدامه بعد التعرض للشمس.