خمس نصائح تمدك بالطاقة بدون كافيين

الأرق والنوم المتقلب وسرعة ضربات القلب وارتفاع ضغط الدم، كل دى مخاطر وآثار جانبية معرضين ليها كلنا بسبب الكافيين اللى بيدخل أجسامنا بشكل يومى، سواء فى الشغل أو مع مذاكرة الامتحانات بنبقى محتاجين الطاقة اللى تخلينا نكمل بقية اليوم ونقدر ننجز كل المهام اللى ورانا.

عشان كده "احكى" جمعتلك خمس نصايح تقدرى تستغني عن الكافيين بيهم:

1) الماء: دوره عظيم فى تنقية جسمك من السموم اللى بيسببها الكافيين ده طبعا بالإضافة إنه ملهوش أى سعرات حرارية، كمان بيخفف الشعور بالتعب والإرهاق.

2) الزبادى مع العسل: طعمه لذيذ وهيساعد على تنشيط المخ ومنح جسمك الفيتامينات الغذائية اللى محتاجها.

3) الشاى الأخضر: مشروب ليه فوايد كتيرة، زي أنه بيساعد على حرق الدهون و بيقلل مستوى الكوليسترول في الدم، وكمان بيحتوى على مادة البوليفينول اللي بتقلل من التوتر.

4) الرياضة: أي نوع من الرياضة هيمنحك الطاقة والنشاط اللي جسمك بيحتاجه يوميا بالإضافة للتنفس بعمق وبشكل منتظم.

5) الليمون: بيعتبر مشروب سحرى وطعمه لذيذ  بيقلل الكافيين فى الجسم وبيحسن المزاج بشكل سريع ويمنحك الطاقة.