4 وجبات بسيطة باستخدام المايكرويف

تقدري تستخدمي المايكرويف أو الفرن الكهربائي في عمل عدد من الوجبات اللي تكلفتها بسيطة جدا، وسهلة، يعني مش هتحتاج منك مجهود أو خبرة عظيمة في الطبخ.

الوجبات دي تقدري تعمليها في الشغل وتشبعي بيها، ومتحتاجيش تأكلي من المطاعم.

المكرونة بالجبنة

في مج كبير، ممكن تسلقي المكرونة، وتضيفي عليها اللبن والجبنة (أي نوع متوفر عندك) وشوية فلفل، وتتركيها في الفرن أو المايكرويف لمدة 30 ثانية.. واستمتعي بوجبة مكرونة لذيذة ومشبعة.

البيض بالخضار

في نفس المج، بيضتين ومعاهم فلفل ألوان متقطع قطع صغيرة، وتضيفي عليهم قطع من اللانشون إذا بتحبيه، والملح والفلفل الأسود، تمزجيهم مع بعض كويس، وفي المايكرويف تتركيهم من دقيقتين لـ 3، واستمتعي بمج أومليت لذيذ.

بطاطس مخبوزة

هتجيبي ثمرة بطاطس، وتدهنيها بزيت الزيتون والملح، وتتركيها في المايكرويف من 7 إلى 9 دقائق، وبعدين تفتحيها من النص، وتهرسي البطاطس على الجانبين، وتضيفي عليها الجبنة، وتحطيها في الفرن لمدة ثواني قليلة عشان الجبنة تسيح، ولما تخرج تضيفي عليها مايونيز أو ثومية، وبقدونس، واستمتعي بيها.

أرز بالخضراوات

في قدر صغير، تحطي نص كوب أرز، وعليه نص كوب ماء، وتضيفي عليهم صويا صوص، وزيت سمسم (أو أي نوع تاني)، وقطع صدور دجاج وتغطيهم، وتتركيهم في المايكرويف من 6 لـ 8 دقائق، وتضيفي عليهم خضروات مجمدة، وترجعيهم المايكرويف تاني لدقائق بسيطة، وبعدها هتستمتعي بوجبة شاملة.