أكلة وأصل.. ”المسقعة” مش مصرية؟

كمصريين بنعتبر إن في أكلات شعبية مكتوبة باسمنا، رغم إن الثقافة كلها عملية تأثير وتأثر، فالأكلة مثلا بيكون لها بداية وكل شعب بيطورها وبيطبخها بطريقته اللي هي "التاتش" بتاعه.. المسقعة مثلا طبق شرق أوسطي ودول حوض البحر المتوسط، اسمه في مصر والسعودية وفلسطين "مسقعة"، وفي سوريا "مطبق"، وفي العراق "مغمور".. كما لها أصل يوناني واسمها "الموساكا".. أما طريقة عمل المسقعة المصرية فهي:

المكونات:
باذنجان رومي

فلفل رومي

فلفل حار

ثوم

عصير طماطم

خل

كمون

ملح

بطاطس "اختياري"

الطريقة:
1-اغسلي الباذنجان وقشريه وقطعيه حلقات، وقطعي الفلفل بالطول، والبطاطس كذلك.
2-سخني الزيت واقلي الفلفل والباذنجان والبطاطس لغاية مايكون لونهم دهبي.. وصفيهم كويس من الزيت.
3- حضرى صينية وضيفي شوية زيت واقلي فيهم الثوم لغاية اللون الذهبي، وضيفي معلقة خل عليه، وعصير الطماطم والملح والفلفل وجوزة الطيب لو تحبي.. وسبيها تتسبك.
4- ضيفي الباذنجان والفلفل والبطاطس وسبيها على النار 5 دقايق.. وممكن تنزليها تحت شواية الفرن.