5 وصفات طبيعية لتفتيح الرقبة

5 وصفات طبيعية لتفتيح  الرقبة

معظم البنات بتعاني من مشكلة سواد الرقبة، الدراسات أثتبت أن 20% من البنات بتعاني من المشكلة دي، عند معظمنا الرقبة لون ووجهنا لون تاني وجسمنا لون تالت.

عشان كده جمعنالكم شوية وصفات تقدري بيها تفتحي رقبتك.

1-خلطة الحمص والكركم

اخلطي معلقتين حمص مع معلقتين كركم وضيفي ليهم مايه، واتركي الخليط على رقبتك لمدة 15 دقيقة، وكرري التجربة 3 مرات في الأسبوع، هتلاحظي اختلاف كبير في لون رقبتك.

2- الموز وزيت الزيتون

المعروف أن زيت الزيتون بيحافظ على الجلد من ظهور الخطوط الدقيقة، وممكن تستخدميه مع الموز لتفتيح رقبتك، عن طريق خلطهم ببعض وضيفي ليهم ليمون، واتركي الخليط على رقبتك لمدة 20 دقيقة، وكرري التجربة أسبوعيا.

3- الليمون

الليمون معروف بفوائده الكبيرة للبشرة وممكن تستخدميه بأكثر من طريقة.

-   اخلطي الليمون بالزبادي والعسل وضعي الخليط ده على رقبتك لمدة 30 دقيقة وكرري العملية.

-    الليمون وعصير الطماطم، اخلطيهم ببعض وطبقي الخليط على رقبتك لمدة 45 دقيقة كل يوم.

4-صودا الخبز

اخلطي صودا الخبز بالماء الفاتر، واتركي الخليط على رقبتك لمدة 30 دقيقة وكرري التجربة 3 مرات في الأسبوع.

5- البطاطس

ممكن نستخدم البطاطس بطريقين مختلفين.

-  قطعى البطاطس شرايح واتركيها على رقبتك لمدة نص ساعة وراعي إنك كل شوية تغيري شرايح البطاطس.

-  اخلطي البطاطس بعصير الليمون واتركي الخليط على رقبتك لمدة 15 دقيقة وكرري التجربة كل يوم.