6 نصائح للحفاظ على بشرتك بعد الثلاثين

6 نصائح للحفاظ على بشرتك بعد الثلاثين

بتقابل السيدات مشاكل كتيرة جدا بعد وصولهم لسن الثلاثين، بيبدأ ظهور التجاعيد والخطوط البيضا وبرضو الخطوط الدقيقة.

"احكي" جمعتلك شوية نصايح تحافظي بيها على بشرتك بعد الثلاثين:

1-  احرصي يوميا على ترطيب بشرتك، واستخدمي الماسكات المناسبة لنوع بشرتك سواء دهنية أو مختلطة أو جافة.

2- اشربي كميات كافة من المياه عشان تحافظي على نضارة وجهك، وخففي من الأوقات اللي بتتعرضي فيها للشمس، وخدي قسط مناسب من النوم، حاولي متسهريش كتير وتيجي على صحتك عشان شغلك.

3- خلى اهتمامك ببشرتك بيساوي اهتمامك بعينك والتجاعيد والهالات السوداء، لأن الهالات السوداء لوحدها ممكن تترك انطباع عنك أنك كبيرة لأنها دايما بتدي للشخص عمر أكبر من عمره.

4- مارسي رياضة يوميا لأن الرياضة بتحسن الدورة الدموية وبتقلل إفراز السموم، وممكن تختاري رياضة سهلة زي المشي أو العجلة.

5-  خلى بالك من نوع الأكل اللي بتأكليه، لأن الأكل مش بس بيسبب السمنة المفرطة، ده كمان بيزود التجاعيد والخطوط تحت عينك، فـ اتبعي نظام غذائي متوازن.

6-  قللي من التدخين، لأن التدخين آثاره بتظهر بعد الثلاثين، بيسبب جفاف الجلد اللي معظم مستحضرات التجميل مش بتقدر تزيله.