أفضل طريقة للتخلص من ”تلزيق” الشعر الدهني

شعرك دهني وبتحتاجي تغسليه يوميًا عشان يظهر بمظهر حيوي مش "ملزق"، اعرفي إنك بتضري شعرك بغسله المتكرر، وعشان تحافظي على صحة شعرك وفي نفس الوقت يكون عاجبك شكله الحل هو بودرة الأطفال.

الشامبو الجاف أو الـ Dry Shampoo بينصح بيه في الحالات دي، لكن نظرًا لارتفاع الأسعار بالذات على السلع الترفيهية ممكن نستبدله ببودرة جونسون للأطفال.. ودي طريقة الاستخدام:

هتحطي البودرة على جذور الشعر وتبدأي بتدليكها بأطراف أصابعك ببطء، وممكن تستخدمي قطنة في عملية التدليك علشان ما تأذيش فروة رأسك.. سرحي شعرك بالفرشة بعد ما تقلبيه لقدام (يعني تسرحيه من تحت لفوق) علشان توزعي البودرة بشكل صحيح على شعرك.

ودي بعض النصايح علشان تتجنبي إفراز شعرك للدهون بشكل مبالغ فيه:

• ابعدي شعرك عن الوجه بشكل دايم.
• ما تدعكيش شعرك بإيدك كتير.
• ما تغسليش شعرك بماء ساخن، اضبطي درجة حرارة فاترة وبعد الانتهاء من غسله اشطفيه بماء ساقع.
• بلاش تنشفي شعرك بفوطة، الأفضل تنشفيه بالسشوار.