7 طرق عشان تتخلصي من آلام العظام والمفاصل في الشتاء

في الشتاء، كتير مننا بيعاني من آلام مختلفة لأنه درجة الحرارة القليلة بتأثر على الجسم بطريقة سلبية، وخاصة، العظام.

بتزيد آلام العظام والتهابات المفاصل في الشتاء بطريقة ممكن تعيق صاحبها من أنه يعمل أي نشاط، وأي شوية هواء باردين ممكن يقلبوا كيانه، وعشان كده لازم يكون لهم استعدادات خاصة لاستقبال برودة الجو.

الآلام دي مش مرتبطة بعمر معين، لأنه من الممكن جدا يكون لينا سلوكيات خاطئة، وبتأثر على عظامنا بطريقة سلبية، فتأدي لإحساسنا بالألم في المفاصل والعظام وإحنا لسه في سن صغيرة.

دي شوية نصائح ممكن تستعينوا بيها عشان الشتاء يمر بسلام على صحتكم وصحة عظامكم:

1. لازم تحسي أن الملابس مدفياكي، متسيبوش نفسكم لفرصة الإحساس بالبرد، فتعتمدوا على لبس طبقات كتير عشان المفاصل والعظام متتعرضش للهواء الشديد.
2. في الشتاء، بيقل إحساسنا بالعطش، ومش بنشرب مياه أو سوائل كتير، وده بيأثر على سيولة الدم في الجسم عشان كده بيزيد آلام المفاصل والتهابها، وبسبب ده الجسم لازم يكون رطب ومحافظ على الليونة بين المفاصل.
3. التدريبات وممبارسة الرياضة هتخلصك من الإحساس الألم، على عكس الشائع، فالمعروف أنه الناس بتبعد عن الرياضة أو المشي حتى بسبب برودة الجو، لكن اللي بيحافظ على صحة العظام هو الرياضة والتدريبات الخفيفة، لأنها بتنشط الدورة الدموية وبتخلي الجسم دافئ.
4. ممكن يكون السبب هو نقص فيتامين (د)، اللي الإصابة بيه بتكون لأنه الجسم مش بيتعرض لأشعة الشمس بشكل كافي.
5. الاستمتاع بحمام مياه ساخن، عشان تدفي عظامك وجسمك بالكامل، ومتعرضوش أجسامكم للبرد.
6. في ماسك محدد للركبة، وده بيحفظها من درجة الحرارة المنخفضة وبيحميها من الهواء الشديد.
7. التدليك والمساج، وجلسات العلاج الطبيعي طريقة ممكن تلجأوا ليها عشان تخففوا من الألم وتحافظوا على صحة عظامكم.