”اعمليها بنفسك”.. 4 مقشرات طبيعية لبشرتك

سلسلة من الموضوعات علشان تعملي بدائل للمنتجات الغالية وسط ارتفاع الأسعار اللي بنعيشه، النهارده هنقولك طريقة عمل مقشرات طبيعية للبشرة بدل المنتجات اللي فيها كيماويات وكمان غالية.. هتحتاجي:

-المقشر الأول
هتحتاجي معلقتين سكر خشن، ومعلقتين قهوة، ومعلقة زيت جوز هند.. المقشر ده يحتوي على مضادات أكسدة من القهوة وجوز الهند وهي مكافحة للتجاعيد وبتجدد خلايا البشرة، وهو خليط مناسب للبشرة الجافة.

-المقشر الثاني
معلقتين سكر أبيض خشن، ومعلقة عسل أبيض وكيس شاي أخضر.. الشاي الأخضر مضاد للأكسدة والعسل مرطب للبشرة والسكر مقشر جيد، وهو مناسب لجميع أنواع البشرة.

-المقشر الثالث
نص موزة مهروسة، معلقتين شوفان مطحون، معلقة عسل أبيض ومعلقة لبن.. مناسب للبشرة الجافة وهو مرطب كويس وبيساعد على تفتيح البشرة.

-المقشر الرابع
المقشر الأبسط، السكر والليمون والعسل الأبيض، الليمون بيساعد على تفتيح البشرة وبيقاوم التجاعيد والعسل مرطب جيد.. مناسب لكل أنواع البشر ما عدا البشرة الحساسة.