نصائح لعيون أوسع بالمكياج

دايما العيون الواسعة مضرب للأمثال في الجمال، بيشبهوها بعيون الغزال أو البقر، ودي مش حاجة وحشة لأن عيون البقر واسعة وطويلة الرموش وكحيلة، اعرفي إزاي تخلي عيونك واسعة بالمكياج في خطوات بسيطة..
- ابعدي عن رسم العين بالكحل الأسود، استخدميه في الجفن العلوي بس، وفي الجفن السفلي استخدمي الكحل الأبيض أو البيج.
-اختاري لون آيشادو فاتح، المكياج السموكي الغامق مش مناسب للعيون الضيقة.
- ارفعي رموسك باستخدام آلة رفع الرموش قبل وضع الماسكارا، الرموش المرفوعة بتدي مساحة أكبر للعين.
- الحواجب النظيفة متوسطة السمك ترفع شكل العين وولا تطفيها.
- استخدمي الهايلايت أعلى الوجنتين علشان يجذب الضوء.
- رسم الآيلينر على شكل عين القطة بيديها مساحة أكبر لأنه بيشد الجفن لفوق.