للدايت.. كوكيز الشوفان والموز المقرمشة

لو كنتي ماشية على دايت أو متبعة حياة صحية الوصفة دي مناسبة كـ"سناك" خفيف ليومك، لأنها مقرمشة ولذيذة وهتمدك بالطاقة..
هتحتاجي:
كوب شوفان
موزيتين
بيضة
ملعقة صغيرة قرفة
معلقة صغيرة بيكنج بودر
ملعقة كبيرة عسل أبيض
ملعقتين زيت
قطع شيكولاتة صغيرة(chocolate chips) أو زبيب

الطريقة:
سخني الفرن على درجة حرارة 180.
اخلطي كل المكونات سوا لغاية ما تبقى عجينة متماسكة لو صلبة زودي موز أو عسل، ولو طريقة ضيفي شوية دقيق أبيض، شكليها على شكل كرات صغيرة وخليها رقيقة علشان تقرمش، وحطيها على ورق زبدة ودخليها الفرن من 10 دقايق لـ ربع ساعة.