أشهر Hits في ٢٠١٧

مع نهاية 2017 وإحتفالات العالم بالكريسماس كل واحد فينا بيحتفل بطريقته فيه إللي بيقرر يسافر وفي إللي بيقرر يخرج مع صحابه وفي إللي بيتجمع معاهم في بيت حد منهم وياكلوا ويسمعوا الأغاني إللي علمت معاهم طول السنة ومن أشهر الHits إللي علمت معانا في 2017 وممكن تتسمع كنوع من أنواع الاحتفال بإنتهاء السنة :

1-" 3 دقات" ل أبو ويسرا وإللي ظهرت من خلال مهرجان الجونة السينيمائي وعلمت جدًا مع معظمنا سواء في فترة المهرجان أو بعدها .

2- "لأ يا بهيرة" ل فرقة "طاخ" وإللي اتسمت بطابع كوميدي جدًا لاقى صدى كبير مع ناس كتير وبخاصة البنات.

3- أغنية "برج الحوت" ل"عمرو دياب " وإللي إنتشرت جدًا في 2017 وزاد الجدل حواليها.

4-"هيقولك" ل " أصالة" وإللي تقريبًا كل بنت شافت قصة مرت بيها من خلالها.

5- “I don’t wanna live forever by Zayn Malik ft Taylor Swift”

وإللي تقريبًا مُعظم الناس إتعلقوا بيها وفضلوا يكرروا فيها أكتر من مرة ورا بعض .

6-Shape of you by Ed Sheran

وإللي كل الناس تقريبًا محدش فيهم مسمعهاش.

7-”Despacito “

وإللي لاقت نجاح كبير جدًا سواء على المستوى المحلي أو الدولي سواء في نسخة Luis Fonsi وDaddy Yankee

لوحدهم أو بالإشتراك مع Justin Beiber .

8- مهرجان" إلعب يلا " ل " أوكا وأورتيجا" وإللي غالبًا مفيش حد مسمعهاش وتفاعل معاه .

9-مهرجان "صاحبي يا صاحبي" ل "السادات وميشو جمال" وإللي تقريبًا كل مجموعة صحاب سمعوها و غنوا ورقصوا معاها.

10- "الكيف" ل"كايروكي وطارق الشيخ" والأغنية دي حققت نسبة مشاهدة كبيرة جدًا على اليوتيوب ونسبة سماع عالية جدًا على أكتر من موقع للأغاني ودة بسبب تعلق مُعظم الناس الكبير بيها سواء تعلقهم بلحنها أو تأثرهم بكلماتها .

11- "ليلى" ل "كايروكي" وإللي مُعظم البنات إللي سمعتها إتمنت إنها تكون "ليلى" بسببها.

12- "وقفة ناصية زمان" ل "أحمد مكي" وإللي من خلالها رجع أحمد مكي بقوة لغناء الراب وعلى الرغم من إنها صدرت من كام يوم فاتوا إلا إنها لاقت صدى كبير من مُحبين "مكي".