أشهر 7 فنانات الدوبلاج باللهجة المصرية

الكارتون عالم ساحر مليان بالألوان والخيال الواسع اللي بيودي  محبيه لعالم تاني، الكارتون المُدبلج باللهجة المصرية بالذات ليه مذاق خاص عند مُحبي أفلام ديزني بالتحديد وده لأن اللهجة المصرية بتتميز بخفة دم كبيرة وقبول عند مُعظم الناس.

من أشهر الفنانات اللي أجادوا الدوبلاج وسابوا بصمة كبيرة في قلوب محبيه:

1-" لقاء الخميسي" واللي قامت بدورين من أفضل الشخصيات النسائية المُدبلجة في "ديزني"، وهما بيل من فيلم "الجميلة والوحش" ومولان من فيلم "مولان".

2- "حنان ترك" واللي أدت دور سالي في فيلم "شركة المُرعبين المحدودة" بشكل كوميدي رائع بالمشاركة مع الفنان محمد هنيدي واللي شاركته مرة تانية بالدوبلاج في مسلسل "سوبر هنيدي".

3-"هالة فاخر" واللي قامت بالدبلجة لأشهر شخصيتين شريرتين في عالم ديزني وهما: زيرا من فيلم "Lion King 2" ورويلا من فيلم "101 كلب".

4- "حنان شوقي" واللي قدرت بصوتها المميز تجسد شخصية أزميرالدا في النسخة المُدبلجة من "أحدب نوتردام".

5-" سلوى محمد علي" واللي بدأت حياتها الفنية بالدوبلاج وده من خلال دورها في مسلسل "بوجي وطمطم" واللي قدمت من خلاله دور زيزي وقدمت كمان دور واحدة من الضباع الشريرة في فيلم "Lion King".

6-"ثريا إبراهيم" واللي قامت بدور لا يمكن أن يُمحى من ذاكرة مُحبي الدوبلاج المصري وهو دور مدام روز من فيلم "شركة المُرعبين المحدودة" واللي اتشهرت فيه بجملة "أنا حطاك في دماغي وبراقبك وهراقبك".

اقرأي أيضاً: أفضل أفلام الانمي حتي الأن

7- وأخيرًا "عبلة كامل" اللي قدمت دور من أحلى الأدوار المُدبلجة في تاريخ ديزني باللهجة المصرية وهو دور "دوري" من فيلم "Finding Nemo"، واللي علقت مع الناس بجملتها المشهورة "عوم واتمخطر مخطر مخطر".