أغرب أشكال الموضة على مر التاريخ

على الرغم أننا عايشين في عصر كل يوم بيطلع موضة جديدة فيه، وغالبا ما بيتم هجر الموضات السيئة واستبدالها بموضات جديدة، في موضات على مر التاريخ مينفعش تتنسي لأنها سببت أزمات للستات عموما وكان معظم ضحايا الحوادث هم ستات بسبب أزيائهن.

"احكي" دورت في ذاكرة التاريخ عن أغرب اشكال الموضة ..

1- الكورسيه الحديد

كان نصيب الموضة في القرن الـ 16 هو الكورسيه الحديد، كانت الأمهات بتجبر أطفالها على لبسه من وهماا صغيرين جدًا عشان يقدروا يحصلوا على شكل وسط صغير جدًا، وده كان بيسببلهم تشوهات في الجهاز الهضمي والتنفسي وبيخليهم طول الوقت مش قادرين ياخدوا نفسهم.

2-الجيبة الـ Hobble

صممها واحد فرنسي في القرن 19، وكان كل الغرض منها أن الستات يمشوا براحة جدًا، وهو نفسه قالهم إنه حرر وسط الستات من الكورسيهات والجيبونات الكبيرة ولكن ربط رجليهم، وكان طبعا معظم السيدات بتمشي ورا الموضة من غير تفكير.

3- البياض المصطنع

ومن علامات الجمال الغريبة جدًا في القرن الـ 18، وكانت موضة وقتها، هي "البياض" المصطنع الغريب، وده كان بيخلي معظم الستات يحطوا على وشهم خل ورصاص وهما مش فاهمين لو اتفاعلوا ممكن يسببوا إيه، ولما اكتشفوا أن التفاعل ما بينهم ممكن يسبب الموت، بدأوا يشربوا زرنيخ عشان وشهم يبيض ويبهت، بس تقريبا مكنوش فاهمين أن ده مش بياض، دي بوادر وفاة.

4- أحذية اللوتس

تقريبا دي أسوأ شكل من علامات الجمال على مر التاريخ، وهي أحذية اللوتس، بمعني أن البنت كل أما يكون رجلها صغيرة ، تبقى جميلة جدًا، فكان بيلبسوا أحذية على شكل مخروطي ودي كانت بتسببلهم إعاقة مدى الحياة واستمرت الموضة دي لمدة ألف عام لحد ما وعيوا وفهموا أن الجمال ميسواش أبدا الإعاقة.

5-   الجبهة العريضة

في فترة من الزمن، كانت الجبهة العريضة موضة لكل الستات في فرنسا لأنها بتدل على النبل والشرف، فكانت الستات بتزيل حواجبها كاملة وترجع شعرها لورا بشكل مشدود جدًا، وحتى صورة الموناليزا اللى اترسمت في الفترة دي أكدت وجود الموضة دي.