١٦ طريقة تقضي بيها الـ Valentine’s day لو Single woman

صحيح الـ Valentine’s day  مش المفروض يفرق معانا كبنات Single بس ميمنعش إن عدم وجود حد في حياتنا في اليوم ده بيخلينا نفتكر كل العلاقات اللي فاتت وكل العلاقات اللي جاية، وOverthinking كتير عن كيف بدأت الخليقة؟ وما هو الحب؟ وليلة كبيرة سعادتك..عشان كده قررنا في احكي نشاركك شوية أفكار تقضي بيها اليوم وتتبسطي من غير أسئلة وجودية و.Over thinking

1- Movie night

اجمعي كل صحباتك السنجل واعملوا movie night في بيت واحدة فيكوا، واختاروا الأفلام الكوميدي أو الرعب بلاش أفلام رومانسية عشان اليوم ميقلبش نكد.

2- الأكل

الأكل هو الصديق الوفي لكل البنات والستات في اللحظات والأيام اللي شبه كده، اختاروا أكلة بتعلي هرمون السعادة والانبساط عندكم زي الشاورما-البطاطس المحمرة-النوتيلا –محشي ورق العنب والقايمة طويلة مبتخلصش.

3- القهوة

اصحي الصبح روحي مكانك المفضل اللي بتشربي فيه قهوة، واشربي قهوتك الصباحية باستمتاع وحاولي تتجاهلي كل الورود والدباديب والأحمر اللي هيكون حواليكي في اليوم ده.

4- الـ GYM

لو لسه مفركشة جديد وكان عندك طموحات وأماني للـ valentine’s day  تقدري تطلعي طاقتك في الـGYM.

 5- الـ SPA

احجزي spa في مكان fancy لنفسك وممكن ترتبيها مع أصحابك البنات.

6- اكتبي letter لنفسك

اكتبي letter  لنفسك تفتحيه السنة الجاية في الـ Valentine’s day وتشوفي إيه اللي اتغير وإيه اللي اتحقق، ممكن تكتبيه مع قهوتك اللي هتشربيها في مكانك المفضل.

7- Solo trip

خططي لرحلة تسافريها لوحدك على حسب الـ budget بتاعتك ممكن تكون داخل مصر أو خارج مصر تجربة مخيفة شوية بس ممتعة وهتتبسطي.

8- كتاب

اختاري كتاب كنتي مأجلة إنك تقرأيه، وابدأي فيه واندمجي معاه واليوم هيعدي ولا هتلمحيه.

9- اطلبي من الـBest friend يخرجك

تقدري تطلبي من الـ best friend  السينجل اللي زيك انكوا تخرجوا اليوم ده تروحوا سينما، أو تتعشوا سوا، بس حاولي الموضوع ميقلبش date عشان متكونش نتايجه سيئة ع الكل.

10- مشي الكلب بتاعك

لو عندك كلب ممكن تخرجيه في اليوم ده، وتمشيه وترفهي عنه، واتصوري معاه ونزلي الصورة علي انستجرام كـ Hidden message  للـ ex

11- اسمعي Playlist المفركشين

لو طالبة معاكي دراما، عادي حقك، تقدري تسمعي الـ playlist  دي خاصة لو مفركشة قريب.

12-Dress fancy and full make-up 

البسي أحلى دريس عندك، واعملي Full make-up حتي لو مفيش خروجة وبس للـ selfies  والانستجرام ستوريز..صدقيني هتتبسطي.

13- تطوعي وكوني الـ Babysitter  لصاحبتك المتجوزة

ممكن تعملي خير وتتطوعي إنك تكوني الـ babysitter  لأولاد صاحبتك المتجوزة عشان تقدر تخرج هي وجوزها on a date  وده هيكون جميل مش هيتنسي ومسيره يتردلك يوما ما إن شاء الله.

14- الـ Shopping

مفيش ست تقدر تنكر تأثير الشوبينج على تحسين نفسيتها ومودها، انزلي اليوم ده، اعملي شوبينج حتي لو هتشتري لنفسك bracelet  بس متندمجيش أوي في الشوبينج عشان إحنا نص الشهر والكريديت كارد مبترحمش.

15- الورد

 انزلي اشتري ورد لنفسك، أو اشتري زرع جديد تحطيه في البيت وتسقيه وتهتمي بيه كل يوم الصبح هيديكي طاقة إيجابية وهتتبسطي بوجود الزرع أو الورد في بيتك.

 16- اصبغي شعرك وقصيه

احجزي ميعاد مع كوافيرك، اختاري قصة شعر ولون شعر جريء، ونفذي على طول، ومش هتخسري حاجة بالعكس التغيير هيديكي طاقة تنسي كل العلاقات اللي مظبطتش وهتفتكري بس قد إيه إنتي جميلة.