هدايا عيد الحب لا تزيد عن الـ 50 جنيهًا

عيد الحب بيجي دايمًا في نص الشهر، ونص الشهر ده عند البنات يعني المرتب خلص وأي جنيه زيادة هيتدفع يبقي الميزانية هتخرب، وطبعا بما أن الفلانتين لازم نشيل هم هديته وسعرها، فـ "احكي" جمعتلكم شوية هدايا لا تزيد عن الـ 50 جنيه، بس إحنا مش مسئولين عن نتيجة الهدية وعن اللي هيحصل تاني يوم.

Bracelet جلد من الحسين بـ 50 جنيه.

اطبعي صوره وحطيها في نوت والصورة بـ 1.5 والـ 50 جنيه هتبقي كتيرة علي الهدية دي بصراحة.

هاتيله بالـ 50 جنية ألوان شرايات كتيرة.

هاتي ساندوتشين شاورما واقعدي أنتي وهو على النيل وكليهم.

هاتيله شفرة حلاقة وأمواس.

هاتوا لب سوري واقعدوا "أزأزوا" سوا واستعيدوا ذكرياتكم.

عارفة الخشب الأبلكاش هاتيه، وابعتيه لأي حد يرسم عليه واديهوله هدية.

روحوا اتفرجوا على مسرحية اوفيلم في مسارح "الدولة" ، التذاكر بتبقى رخيصة هناك.

مج وعليه صورتك وصورته سوا أو صورة النادي المفضل بتاعه.

نوت بوك صغيرة.

سبراي للجسم.

هاتيله 3 كوستر(حامل أكواب) )بـ 50 جنيه.

إزازة برفان تركيب.

اعمليله برطمان في رسايل في البيت مش هيكلف 50 جنية happiness jar.