شوية Tips تظبطي بيهم الـ ”linkedin profile”

كلنا نفسنا نكبر في مجالنا ونطور من نفسنا بس ساعات كتير بنبقي مش عارفين نبدأ منين، موقع "Linkedin" بقي عبارة عن وجهة أساسية لكل اللي بيدور على وظيفة جديدة أو عاوز يدخل أي مجال .

احكي جمعتلك شوية Tips تظبطي بيها البروفايل بتاعك عليه.

1- حطي صورة البروفايل بلبس فورمال وكمان خليكي مبتسمة

فرصة أنك تحطي صورتك انتي مش أي صورة، دي بتزود المشاهدات جدا لبروفايلك، وكمان بتدي انطباع عنك كويس للي بيشوفوه وزي ما بيقولوا "الانطباع الأول يدوم" ، فلازم نتأكد أنه انطباع جيد.

2- الـ Experiences

مش شرط تكتبي كل الشغل اللى عملتيه قبل كده، اكتفي بس بكتابة الوظايف اللي ليها علاقة بتخصصك ، يعني مثلا كنتي بتشتغلي شغلانه عشان تصرفي على نفسك أيام الجامعة بس مش تخصصك، متكتبهاش ومتزحميش البروفايل بتاعك .

3- الـ Summary

خلي بروفايلك يتكلم عنك ونسقي أفكارك واعرضي مميزاتك المهنية بصورة واضحة وصريحة، وكمان اعملي Keywords عشان الناس تقدر توصلك بسهولة.

4- الـProjects  

اعرضي مشاريعك اللي عملتيها قبل كده وحطي أمثلة قوية جدا لشغلك عشان تدي فكرة كويسة عنك لأصحاب الوظايف .

5- الـ Skills

بلاش جمل الشغل تحت الضغط والجو ده ، اعرضي مهاراتك بشكل محدد وحاولي على قد ما تقدري تكوني مش ناقلة من جوجل ، بس تكوني صريحة في عرضك ليها.