12 حاجة ممكن تطلبيها في الخروجات ومش هتبوظي الدايت

لما بنكون عاملين دايت بتبقى الخروجات مشكلة كبيرة، وأول سؤال بيجي في بالنا.. هناكل إيه؟، لأن كل الأكل اللي حوالينا بيكون وجبات سريعة أو مليانة دهون وبالتالي دمار شامل لكل اللي المجهود اللي عملناه قبل كده. وبدل ما تحتاري في كل مرة تخرجي فيها وقت الدايت، جمعنالك 10 حاجات ممكن تطلبيها في المطاعم والخروجات من غير ما تبوظي الدايت.

أكل صحي في المطاعم

في البداية لازم تعرفي إن المايه هي صديقتك الأولى، لأنها بتقلل إحساس الجوع وبتبعت إشارات للمخ إنه المعدة مليانة بشكل ما، فعلشان كده خليها دايمًا معاكي، ولو مابتحبيش المايه كده وخلاص فشريحة ليمون وشوية نعناع هيغيروا طعمها ويخلوها منعشة أكتر.. أما عن الحاجات اللي ممكن تطلبيها في المطعم وقت الدايت، فهي:

1-السلطات

via GIPHY

السلطة هي الصديقة الصدوقة للدايت، بس المشكلة دايمًا في التتبيلات أو الـDressings اللي بتكون مليانة زيت، فالأفضل إنك تبدئي بالسلطة وممكن يكون معاها جبنة لايت مثلًا، بس اتكلمي مع الـWaiter علشان تكون من غير زيت ويكتفي بالتوابل.

2-الشوربة

طبق كبير من شوربة العدس من غير زبدة، أو طبق شوربة خضار أو حتى شوربة لسان عصفور هيكون اختيار كويس قبل الطبق الرئيسي علشان تحسي بالشبع أسرع.

3-الأكل المشوي

اقرئي المنيو كويس واعرفي طرق الطبخ، واختاري حاجة زي الفراخ المشوية على الجريل مثلًا مع خضار سوتيه بس برضه اتأكدي إن الطبق مش معمول بزبدة.

5-الأسماك

via GIPHY

الأسماك خفيفة وسهلة الهضم ومناسبة جدًا للدايت، خصوصًا سمك السلمون والماكريل والبلطي، ومهم جدًا طريقة الطبخ تكون شوي أو معموله على البخار.. السمك مفيد لصحة الجسم والقلب، لأنه غني بالدهون الصحية، وكمان سعراته الحرارية قليلة، وهي مصدر رائع للبروتين وفيتامين أ و د والأوميجا 3 والبوتاسيوم والفوسفور.

اقرئي أيضًا: أكلات بالأسماك دايت.. ومغذية وصحية في نفس الوقت

6-البيض

في أي وجبة ممكن تطلبي طبق من البيت الأومليت المطبوخ بدون دهون، وممكن يتعمل مع خضروات زي الـSpanish Omelette، أو تطلبي بيض مسلوق مثلًا.

اقرئي أيضًا: أهم فوائد البيض للصحة

7-سلطة الفواكه

via GIPHY

لما تلاقي كل اللي حواليكي بدأوا يطلبوا الحلو، ده الوقت المناسب لوجود الـFruit salad، حاجة حلوة طبيعية من غير دهون وسكريات وبتشبع ومليانة ألياف مفيدة لجسمك وشعرك وبشرتك.. في إيه أحسن من كده؟.

8-الفشار

رفيق صالات السينما، ممكن يكون موجود في خروجات الصحاب وهيبقى لطيف وسعراته الحرارية مش كتير، المهم يكون ملحه قليل ومعمول بزيت.

9-الترمس والذرة المشوي

لو أنتي من هواة التمشية على النيل، فالترمس حل كويس علشان "النقنقة"، لأنه غني بالبروتينات والألياف والمعادن والكربوهيدرات كمان.. جربيه مع الليمون والشطة.

أما الذرة المشوي فطعمه لذيذ جدًا وبيشبع وسعراته الحرارية مش كتير، حوالي 100 سعر حراري لحبة ذرة متوسطة.

اقرئي أيضًا: ما هي الدهون الصحية التي يحتاجها جسمك

10-البطاطس والبطاطا

via GIPHY

ممكن تستغربي من النقطة دي، بس البطاطس المخبوزة في الفرن صحية جدًا وخصوصًا لو بقشرتها، فلو كتي في مكان ولاقيتي بطاطس مخبوزة اطلبيها بس ابعدي عن الصوصات اللي بتكون معاها، أما البطاطا في الشتا خصوصًا فهي خيار صحي جدًا لكن كليها بحرص وبكميات محدودة علشان هي غنية بالكربوهيدرات.

اقرئي أيضًا: نصائح للطبخ الصحي للمحافظة على وزنك

11-القهوة والمشروبات الساخن

في أي خروجة تقدري تطلبي قهوتك عادي طبعًا بس يُفضل تكون من غير لبن وبسكر قليل أو سكر دايت، والمشوربات الساخنة زي الشاي الأخضر والنعناع والينسون، اشربي منها زي ما تحبي.