الأبراج هتقضي إجازة العيد إزاي السنة دي

ده الوقت اللي الكل فيه بيحضر نفسه لإجازة العيد، واللي هتكون طويلة لحوالي أسبوع وفي الصيف يعني سفر وحركات.. بس ده مايمنعش إننا نفرح بالعيد ونحتفل، وهنا هنقولك برجك هيقضي إجازة العيد إزاي..

برج الحمل

الحمل برج ناري، ومن أهم صفات بنت برج الحمل: الاستقلالية في القرارات والجرأة والاندفاع أحيانًا، في العيد أقرب حاجة لشخصيتها إنها هتبقى بتجهز للبس أول يوم، وهتخرج فين ومع مين من أصحابها، ودايمًا اختيارتها بتبقى ناحية نطبق آخر يوم لغاية صلاة العيد، وبعدين نروح دريم بارك مثلا، ونطلع نتغدى في حلقة السمك في إسكندرية.. فرهدة كتير، بس صحبتها متعة.. ولو أصحابها قالوا مش رايحين هتعمل كل ده لوحدها عادي.

via GIPHY

اقرئي أيضًا: أبرز صفات برج الحمل في الرجل والمرأة

برج الثور

برج الثور ترابي ومندفع لكنه بيسعى للاستقرار في الحياة عمومًا، العيد بالنسبة لبنت برج الثور يعني دلع، لأنها بتحب تهتم بنفسها وتظهر بصورة مثالية، هتلاقيها في الـSpa ليلة العيد، ولما تروّح تقعد تجهز لبسها بأدق التفاصيل، وأول يوم تلبس وتتشيك وبعدين تقعد تشرب شاي بلبن في البلكونة مع ونأكل الفتة بالشوكو والسكينة.

via GIPHY

اقرئي أيضًا: أبرز صفات برج الثور في الرجل والمرأة

برج الجوزاء

برج هوائي ويميل لكونه اجتماعي وده رغم ازدواجية شخصيته.. وبنت برج الجوزاء بتحب تقضي سهرة العيد مع أصحابها، بس ده وقت مناسب برضه علشان تفكر في حياتها وتتأمل فيها.. ومفيش مانع من بعض الخروجات وتغيير الجو لو المود يسمح.

via GIPHY

اقرئي أيضًا: أبرز صفات برج الجوزاء في الرجل والمرأة

برج السرطان

برج مائي لطيف لكنه مزاجي جدًا ومتقلب، العيد عند عدد من بنات برج السرطان يعني إجازة على البحر واستجمام، والجزء الأكبر منهم العيد يعني بالونات أول يوم ولمة العيلة وبعدين الاستمتاع بطقوس الطبخ، مع كتير من المكسرات ولابتوباتنا وأفلامنا.. ولو اتهورت ممكن تروح السينما مثلا.

via GIPHY

اقرئي أيضًا: أبرز صفات برج السرطان في المرأة والرجل

برج الأسد

برج ناري متفائل وشخصيته قوية، والعيد بالنسبة لبنت برج الأسد يعني خروجة مع الأصحاب في مكان جديد، هتلاقيها بتعمل Sandboarding أو بتلعب مع البطريق وتتزلج على الجليد في مول مصر المهم مكان جديد يكسر الملل والروتين.

via GIPHY

اقرئي أيضًا: أبرز صفات برج الأسد في المرأة والرجل

برج العذراء

برج ترابي بيتميز بالذكاء والتواضع، والعيد بالنسبة لبنت برج العذراء وقت مثالي علشان نفتكر الذكريات السعيدة والحزينة ونعيط على الاتنين، في الغالب هتكون موجودة في قاعدة كبار العيلة اللي بننتقد فيها كل اللي حصل في رمضان والعيد الصغير ووقفة عرفة والحج وبعدين نترحم على أيام الزمن الجميل.. وناكل ترمس وسوداني.

via GIPHY

اقرئي أيضًا: أبرز صفات برج العذراء في الرجل والمرأة

برج الميزان

برج هوائي، دبلوماسي في أوقات كتير لغاية ما يفقد أعصابه، بنت برج الميزان العيد بالنسبالها فرصة لتغيير روتين الحياة، فهتلاقيها بتجهز نفسها في الكوافير، بتجدد تسريحة شعرها أو لونه.. وبعدها هتقضي أيام العيد في زيارات الأهل والقرايب، واللمة البسيطة اللي بتفرحها.

via GIPHY

اقرئي أيضًا: أبرز صفات برج الميزان للرجل والمرأة

برج العقرب

برج مائي صاحب شخصية ساحرة، بنت برج العقرب هي اللي بتخطط لكل شلتها هيعملوا إيه في إجازة العيد، ولو كان مزاجها رايق ده يعني السهرة هتبقى للصبح، وألعاب الـBreak out مناسبة جدًا لخروجة العيد بالنسبالها.. أما لو كانت متضايقة من حاجة فهتقلب الجو كله.

via GIPHY

اقرئي أيضًا: أبرز صفات برج العقرب في الرجل والمرأة

برج القوس

برج ناري، متفائل وبيحب الحياة والانطلاق، وبنت برج القوس أفضل طريقة تقضي بيها العيد إنها تجهز شنطتها وتسافر في أي مكان جديد، أو هتلاقي مقضيها تنطيط على الترمبولين مع أصحابها، أو بتلعب ماتش Bubble football.. حاجة كلها أندرنالين وآخر انبساط كده.

via GIPHY

اقرئي أيضًا: أبرز صفات برج القوس في الرجل والمرأة

برج الجدي

برج ترابي بيعشق العملية، والعيد السنة دي لبنت برج الجدي يعني أكل ونوم علشان نعوض كل التعب من الشغل أو الامتحانات والفرهدة بتاعت الصيف والحر، وممكن تظبط خروجها في آخر أيام العيد علشان تكون الزحمة أخف.

via GIPHY

اقرئي أيضًا: أبرز صفات برج الجدي في الرجل والمرأة

برج الدلو

برج هوائي قوي وردود أفعاله غير متوقعة، وبنت برج الدلو هتلاقيها غير متوقعة في خروجاتها في العيد برضه، ففي الوقت اللي الناس كلها طوابير على السينمات والمطاعم هتلاقيها هي في محمية وادي دجلة بتعمل يوجا أو في الجيم، أو بتقضي يوم مع حيوانات سفاري بارك.

via GIPHY

اقرئي أيضًا: أبرز صفات برج الدلو في الرجل والمرأة

برج الحوت

برج مائي معروف برومانسيته وإحساسه العالي، وأهم حاجة عند بنت برج الحوت في العيد هي لمة العيلة ومشاركة الذكريات والأخبار والأكل طبعًا، كل الحاجات دي بتحسسها إنها عندها حياة مستقرة وبتخليها مبسوطة.