15 هدية creative لحبيبك في الفلانتين


عدد المشاهدات : 1342
تاريخ الخبر : 12-2-2018 

بواسطة

ايمان منير

دايما الولاد أذواقهم غريبة، وبنحتار وإحنا بنختار هداياهم، لازم نكون حاطين في الحُسبان وإحنا بنختار الحاجات اللي بيحبوها وفي نفس الوقت اللي محتاجينها.

وبما أنهم زهقوا معانا برضو من الهدايا التقليدية اللي كركبت في أواضهم، زي الـ  Perfume و الـ Bracelet والساعات بأشكالها العجيبة.

"احكي" قررت تمسك العصاية من النص المرة دي، وتسأل الولاد عن الهدايا اللي حابينها في الفلانتين..

1- تابلوه خشب وعليه صورته أو أغنية أو quotation بيحبهم.

2- مفيش جدل أن معظم الولاد، مش كلهم، بيحبوا الكرة ومتعصبين جدًا لفريقهم المفضل أياً كان إيه، ممكن تجبيله هدية T-shirt  الأصلي للنادي المُفضل بتاعه، وده هتلاقيه في الـ Stores  الكبيرة زي الـ Nike و Adidas.

3-لو هو من مواليد التسعينات وبيحب المزيكا يبقى هو أكيد منساش ذكرياته مع شرايط الكاسيت، وأفضل هدية ليه أنك تجمعيله شرايط مطربه المفضل وتشتريله كاسيت جديد كمان.

4- لو برضو بيلعب كورة كتير، هاتيله كورة أصلية من adidas.

5-  كوتشي من Active  لو ميزانيتك على قدك  والأسعار هناك بتبدأ من 500 جنيه.

6-  سلسلة هاند ميد فضة.

7- لو بيشتغل designer ممكن تجبيله  Graphic tablet.

8- لو هو راجل عملي، هاتيله شنطة جلد طبيعي ليه ، أو شنطة لابتوب.

9- هاتيله Play station ودي تقريبا هتبقي أفضل هدية هتجيله في حياته، ومش هو بس اللي هيحبك ، أصحابه كمان.

10-  لو عنده دايما مؤتمرات وحفلات ، فممكن تجبيله زراير بدلة من Silver.

11-  ممكن تحجزي  tickets  لرحلة لأى بلد بتحبوها، غير أنها هتبقي هدية مميزة، كمان هتعملوا ذكريات سوا.

12-  ممكن تحضروا حفلة في الأوبرا، زي حفلة مدحت صالح يوم 13 فبراير، أو هاني شاكر يوم 14 فبراير أو حفلة على الحجار في 15 فبراير.

13-  لو بييشتغل photographer أو بيحب التصوير ممكن تجبيله كاميرا بروفيشنال هدية.

14-  ممكن تجبيله ميدالية مفاتيح فضة هاند ميد.

15-   لو بيسمع مزيكا كتير ممكن تجبيله Headphones  أصلية مش Copy.



الأكثر مشاهدة

خمس حواس