اتعلمي طريقة قوارب البطاطس بالجبنة في الفرن

البطاطس واحدة من أهم الأكلات على كل موائد العالم، الكبار والصغيرين بيحبوها.. ومع برودة الجو بنقترح عليكي وصفة قوارب البطاطس دي، لذيذة جدًا وبتدفي.. جربيها

المقادير:
4 حبة بطاطس متوسطة وشكلها طويل

3 ملعقة كبيرة زيت زيتون

1/2 ملعقة صغيرة ملح

1/4 ملعقة صغيرة فلفل أسود

1/2 ملعقة صغيرة ثوم بودرة

1/2  ملعقة صغيرة بابريكا

الحشو:

1 كوب جبن شيدر مبروش

1/2 كوب            زيتون أسود شرائح

1 كوب كريمة حامضة

2 عود بصل أخضر مفروم

1/2 كوب جبن موزاريلا

قطع من البسطرمة أو السلامي أو اللانشون

ملعقتان من الزبدة

الطريقة:

سخني الفرن لدرجة حرارة 180، ادهني البطاطس بزيت الزيتون وتبليها بالملح والفلفل من برا وحطيها في صينية وسبيها في الفرن نص ساعة.

طلعيها تبرد شوية وقطعيها نصين بالطول بحيث تكون شكل قوارب.

فرغي البطاطس من الداخل بالملعقة وحافظي على القشرة الخارجية بشوية من قلب البطاطس.

الجزء اللي فرغتيه، ضيفي عليه الزبدة والجبنة الشيدر والكريمة والبصل الأخضر والزيتون والبسطرمة وتبلي بالتوابل الموجودة.

رجعي الخليط جوا البطاطس وخلي على الوش الجبنة الموزاريلا ورجعيها الفرن  من 5 ل 10 دقايق تحت الشواية.. وبالهنا.