سر بطاطس المطاعم المقرمشة

الوجبة المحببة للكبار والصغيرين، أعتقد مفيش حد مابيحبش البطاطس المحمرة المقرمشة، لكن في البيت كتير ما بتبقاش مقرمشة زي المطاعم.. دي طريقة علشان المطاعم، جربيها.
مهم تختاري بطاطس مناسبة للقلية، خصوصًا النوع الأحمر منها لأن البطاطس دي أقل في السوائل وبالتالي بتقرمش من برا وبتكون طرية من جوا.
الطريقة:
قشري البطاطس وقطعيها صوابع وانقعيها في مايه دافية مع الملح، وبعدها حطيها في ماية ساقعة لمدة نص ساعة مع الخل.
بعدها نشفيها كويس جدًا.. واقليها في زيت على حرارة قليلة لمدة 5 دقايق.
خرجيها تتصفى من الزيت ودخليها الفريزر لمدة ساعة.
رجعيها للزيت لكن المرة دي لازم يكون سخن واقليها لغاية مايكون لونها دهبي.. وبالهنا.