بـ ”الدوريتوس”.. طريقة عمل الناتشوز المكسيكية

الأكلات المكسيكية بوجود التوابل واستخدام الذرة في وصفات كتير بداية من عمل عيش "التورتيا أو التورتيلا" لغاية استخادمه في السلطات، ومن الوصفات اللي بقت تتقدم كتير في المطاعم المصرية وممكن تعمليها بسهولة في البيت باستخدام الدوريتوس..

المقادير:

- علبة  ذرة صفراء.

- كمية قليلة من الكزبرة.

- 1 فلفل أخضر و1 فلفل أصفر مقطعين مكعبات.

- 3 حبات طماطم مقشرة ومفرومة قطع صغيرة.

- كمية قليلة من الثوم والبصل مفرومين ناعم.

- جبنة شيدر وجبنة موزريلا.

- دوريتوس.

- صويا صوص حلو.

- القليل من عصير الليمون.

الطريقة:
سبكي البصل والثوم على النار مع ملعقة زيت، ضيفي الطماطم مع تتبيلها بالزعتر والكمون، سبيها تدبل شوية وضيفي الفلفل الملون والذرة، في طبق يصلح للفرن وزعي الدوريتوس، ضعي الصويا صوص الحلو مع قليل من الليمون وضيفيه على حشوة الفلفل والطماطم وضيفيهم جميعا على الدوريتوس ثم ابشري الجبنة فوقها ودخليها تحت شواية الفرن أو الميكرويف لذوبان الجبنة.