7 فنانات ابتدوا من الإعلانات والكليبات.. اتعرفي عليهم

مش كل الفنانات كانت بدايتهم في أدوار كبيرة أو مهمة، كتير منهم بدأوا السلم من أوله، من الإعلانات والكليبات وبعدها دخلوا عالم السينما والتلفزيون، ويمكن يكونوا بعد كده بقوا من أهم نجمات الوطن العربي.. شوفوا القائمة..
7-شيري عادل

من صغرها وهي نجمة إعلانات، ظهرت في إعلان قبنوري، وشوكولاتة ستار، وكمان الأغنية الشهيرة في الطفولة "أنا لما بحب اتسلى محبش أزأز لب".. وكانت بتظهر كمان في حواديت السندباد.

6-داليا البحيري

حصلت على لقب ملكة جمال مصر سنة 1990، واشتغلت لفترة في الإعلانات وكانت موديل في كليب لعلي الحجار وبعدها بقت مقدمة برامج في التلفزيون المصري، لغاية ما اتعرفت في السينما من فيلم "علشان ربنا يحبك".

5-روبي

بدايتها ماكنتش من أغنية أنت عارف ليه سنة 2003، ابتدت روبي كموديل إعلانات وشاركت في دور صغير في فيلم ثقافي ومن بعده فيلم سكوت هنصور مع يوسف شاهين.

4-غادة عادل

أول معرفة الجمهور بيها كانت من إعلانتا تليمصر، وشاركت عاني شاكر كموديل في أغنية تخسري، وبعدها اتعرفت على زوجها المخرج مجدي الهواري واتعرفت أكتر من فيلم صعيدي في الجامعة الأمريكية.

3-ياسمين عبد العزيز

بدأت من الإعلانات، ظهرت كموديل في إعلان فرج الله وكادبوري ستار وكمان كوداك، ومشاركتها الأولى في التلفزيون كانت في مسلسل امرأة من زمن الحب مع سميرة أحمد.

2-شيرين رضا

ظهرت الجميلة كوجه إعلاني لمنتجات كتير زي بونبون سيما، وبعدها اتجهت للعمل في الفوازير والسينما.. نجوميتها زادت مؤخرًا لما رجعت في أدوار مهمة جديدة.

1- هيفاء وهبي

فازت في التسعينات بمسابقة ملكة جمال جنوب لبنان، وبعدها بقت موديل إعلانات، وهي 16 سنة طلت على الجمهور لأول مرة في إعلان مكرونة.