أغاني حصص الرياضيات.. بينهم 3 دقات

أغاني ناجحة وبنرددها وبنحبها، لكن كلماتها محيرة شوية في اعتمادها على الأرقام، يعني الأستاذ حكيم عنده معادلة حسابية بيفتتح بيها أغنية "الحلو نداني" لدرجة تلخبط ويبدأ يعد مع الكورس ومحدش بيوقفهم.. أغنية خالد سليم كمان غريبة، بيقول فيها: "شهر وأسبوعين و3 تيام.. يا حبيبي قولي إزاي بتنام"، للحظة حسيت إني في امتحان الشهر لمادة الجبر وحساب المثلثات، والجميل إنهم جمعوا الحسبة وسموا الأغنية 47 يوم.
وفي الأغاني العربية سر اسم رقم 3، يعني بهاء سلطان استنى 3 دقايق، وأبو ويسرا قلبهم دق 3 دقات، والأستاذ محمد قنديل بعت 3 سلامات في 3 أيام.. اسمعوا القائمة أحسن..

-حكيم- ولا واحد ولا مية

-أصالة- 60 دقيقة حياة

-خالد سليم- 47 يوم

- محمد قنديل- 3 سلامات

-يسرا وأبو – 3 دقات

- بهاء سلطان – 3 دقايق

- محمد حماقي – تجربتين أو تلاتة

-سامو زين- 4 حروف

-تامر حسني- 180 درجة