5 موضات شبابية بتكرهها البنات

المثل بيقول "كل ما يعجبك والبس ما يعجب الناس"، ورغم إننا مؤمنين بإنه حلو إنك تلبس اللي يعجبك برضه، بس في موضات في اللبس بتدمر فرصتك في لفت انتباه معظم البنات لأنهم في الغالب بيشوفوك "Underage" مراهق وذوقك سيء.. منها:

1- البنطلون الضيق/الملون


السكيني معمول للبنات في الأصل، فبلاش تلبس بنطلون ضيق هيتقطع من عليك، وكمان الألوان الفاتحة مش هتخليك شخصية متفائلة و"لفلي حلوة الدنيا لفلي" الكلام ده في الأفلام بس.. فخليك في الأسود والبني والبيج والألوان دي أرجوك.

2-البنطلون المقطع

بتورينا إيه بس؟!.. مايصحش والله.

3-البنطلون الساقط

النوع ده كان موضة في 2007 إحنا في 2018، خلاص نقفل الصفحة بقى ونعرف إن البوكسرات الباينة مش روشنة.

4-التي شيرت الـ V

جميل إنك تعمل فورمة الساحل وتحافظ على جسمك وتبقى شاب كل البنات بتحبك كل البنات حلوين، بس صدقني الـ"تي شيرت" الضيق المبين عضلاتك كلها ده البنات مابتحبوش، بكلمك بمنتهى الأمانة.

5- الشرابات الملونة

لو بتحب الشرابات الملونة وآخر همك الناس، دي حاجة حلوة وبيعملها جاستين ترودو، بس المشكلة إن هو رئيس وزرا كندا ويعمل اللي يعجبه.